A Thousand Splendid Suns by Khaled Hosseini

 

ഖാലിദ് ഹോസ്സൈനി എന്ന അഫ്ഗാൻ -അമേരിക്കൻ എഴുത്തുകാരന്റെ അതിമനോഹരമായ ഒരു നോവൽ " A Thousand Splendid Suns" അഥവാ "തിളക്കമാർന്ന ആയിരം സൂര്യന്മാർ".

1966 നും 2005 നുമിടയിൽ സോവിയറ്റ് യൂണിയന്റെയും താലിബാന്റെയും ഭരണത്തിന് കീഴിൽ എരിഞ്ഞടങ്ങുന്ന രണ്ടു സ്ത്രീ ജന്മങ്ങളാണ്‌ ഖാലിദ് ഹോസ്സൈനി ഈ നോവലിലൂടെ ലോകത്തിന് മുന്നിൽ വരച്ചിടുന്നത്. താലിബാൻ ഭരണത്താൽ അഫ്ഗാൻ ജനതയ്ക്ക് നിഷേധിക്കപ്പെട്ട മൗലികാവകാശങ്ങൾ ഒരു അഫ്ഗാൻ പൗരനെന്ന പോലെ ഓരോ വായനക്കാരന്റെ മനസിലും ഒരു മായാത്ത മുറിവാകുന്നു. ഒരു സ്ത്രീയായി ജന്മം കൊണ്ട ഒരു ജീവൻ പോലും താലിബാന്റെ കണ്ണിൽ മനുഷ്യാവർഗമായിരുന്നില്ല. നോവലിലെ ഓരോ വരികളിലും ഈ ദയനീയത മുഴങ്ങി കേൾക്കുന്നു, ഓരോ അക്ഷരങ്ങളും ആ വേദനയുടെ പ്രതിരൂപമാവുന്നു.

അഫ്ഗാനിലെ ഹെരാത്തിൽ ഒരു ധനികനായ കാച്ചവടക്കാരന് നിയമാനുസൃതമായി ജനിച്ച മകളാണ് മറിയം. 15 ആം വയസ്സിൽ അവൾ 45 കാരനായ റഷീദിന്റെ ഭാര്യയാവുന്നു. ശേഷം അവൾക്കനുഭവിക്കേണ്ടി വന്നത് ശാരീരികവും മാനസികാവുമായ പീഡനങ്ങളായിരുന്നു.പിന്നീട് അഫ്ഗാൻ സിവിൽ വാറിന്റെ ഇരയായിമാറിയ ലൈല എന്ന 18 കാരി 60 കാരനായ റഷീദിന്റെ രണ്ടാം ഭാര്യയാവുന്നു. അങ്ങനെ ലൈലയും മറിയവും കണ്ടുമുട്ടുന്നു. ഒരു മേൽക്കൂരക്ക് കീഴിൽ ശ്വാസം മുട്ടുന്ന രണ്ടു സ്ത്രീ ജന്മങ്ങളായി അവർ മാറുന്നു. സ്നേഹവും പ്രതീക്ഷകളും മുതൽക്കൂട്ടാക്കി അവർ പിന്നീട് നേരിടുന്ന ദിനരാത്രികളാണ്  ഈ നോവലിന്റെ ആധാരം.

ഓരോ മനുഷ്യമനസിനെയും ആഴത്തിൽ മുറിവേൽപിക്കുന്ന വികാരഭരിതമായ ഒരനുഭവമാണ് ഈ നോവൽ. നോവൽ തന്ന അനുഭവങ്ങളിൽ നിന്ന് പറയുവാൻ ഒന്നു മാത്രം Only hardest of hearts could fail to be moved..

                                                         Ayana R

                                                         B.Ed 2021-22

                                                         MTCTE